İslandiya millisi Azərbaycan yığmasına qarşı keçirəcəkləri DÇ-2026-nın seçmə mərhələ oyununda qalib gəlmək istəyir.
Sportinfo.az xəbər verir ki, bu barədə komandanın baş məşqçisi Arnar Qunnlauqsson qarşılaşmadan əvvəl keçirilən mətbuat konfransında deyib.
O, sabah baş tutacaq qarşılaşma ilə bağlı fikirlərini bölüşüb:
“Bunun ölüm-dirim məsələsi olduğunu söyləməyəcəm. Bizim böyük arzularımız var. Azərbaycanla oyunda qalib gəlməliyik. Özümüzə təzyiq göstərməliyik”.
İslandiya – Azərbaycan matçı sentyabrın 5-də, saat 22:45-də başlayacaq.
