"Bəzi oyunçularla müqavilə bağlamaq haqda fikirləşirik"

25 Noyabr 2023 16:50 Kəpəz 520
"Bəzi oyunçularla müqavilə bağlamaq haqda fikirləşirik"

Sportinfo.az xəbər verir ki, "Kəpəz"in baş məşqçisi Adil Şükürov Premyer Liqanın 14-cü turunun "Səbail"lə oyunundan(0:0) sonra mətbuat konfransında iştirak edib.

- Mənə etimad göstərən hər kəsə təşəkkürümü bildirirəm. "Kəpəz" azarkeşlərinə təşəkkür edirəm ki, bu gün bizi təlk qoymadılar, dəstək verdilər. Futbolçular da əllərindən gələni etdilər. Komandada yeni olsaq da, tam üslubumuzu tətbiq etmək üçün müəyyən vaxt lazımdır. Milli komandalara görə çempionata verilən fasilə zamanı çalışdıq ki, nələrəsə nail olaq. Qismən də istədiklərimizə nail ola bildik. Bundan sonrakı matçlara baxacağıq. Daha çətin oyunlarımız gəlir, sıx qrafikimiz olacaq. Futbolçularla bu barədə danışmışıq. Komandamız daha yaxşı performans göstərərək, uğurlu nəticələr qazana bilər.

- Bu heyətlə Premyer Liqada qalmaq olar?

- Hər komandada davamlı dəyişikliklər olmalıdır. Bu komandada hər oyun üslubu olaraq, həm də futbolçu sarıdan dəyişikliklər etmək lazımdır. Bəzi futbolçulara ehtiyacımız var. Onu da qış fasiləsində etmək istəyirik. Amma hazırda bizdə olan futbolçuların ən yaxşı performanslarını göstərməsini istəyirik.

- İndiki futbolçulardan kimlərisə göndərib gətirəcəksiz, yoxsa necə?

- Hələ o barədə tam olaraq qərar verməmişəm. Onu qışda dəqiqləşdirəcəyik. Bəzi oyunçularla müqavilə bağlamaq haqda fikirləşirik. Amma onların qışa qədər vaxtı var. Gərək o dönəmdə özlərini göstərsinlər ki, komandada qalsınlar. Bu, hər bir futbolçuya aiddir.

- Komanda ilk dəqiqələrdən istəkli görünürdü. "Qara zolağ"a düşən komandanı mental cəhətdən dəyişmək çətin olmadı?

- Futbolçulara aşılamaq istəyirik ki, davamlı olaraq öz futbolumuzu oynayaq. Rəqibin kimliyindən asılı olmayaraq, çalışırıq ki, istədiyimiz oyunu meydanda tətbiq edək. Ki, öz üslubumuz seçilsin. "Kəpəz"in hər zaman öz üslubu olub, hücum futboluna üstünlük verib. Biz də, futbolçulara olduqları yeri bilmələrini aşılayırıq. Futbolçulara psixoloji cəhətdən buna hazır olmalıdır. Onlar bilməlidir ki, futbola regionunu təmsil edirlər.

- Son 20 dəqiqədə futbolçuların gücü tükənmişdi?

- Bəli, yorğunçuluq oldu. Qısa dönəmdə komandanı qəbul etmişik. Bu dönəmdə futbolçuların performansının yüksəlməsinə çalışdıq. 60-70-ci dəqiqəyə qədər komandanı formalaşdıra bilmişik. Bundan sonrakı işimiz daha çətindir. Çünki sıx qrafikdəyik. Bütün futbolçuların xidmətindən istifadə edəcəyik ki, zədələr olmasın.

- Qapı xəttində sizə qədər çoxlu problemlər var idi. Amma İqor Rodriqes "Səbail"ə qarşı pis görünmədi. Ona bundan sonra da şans verəcəksiz?

- Çempionat və kubok oyunlarımız var. Bütün oyunçulara şans verəcəyik ki, sonda onlar haqda qərar vermək də bizim üçün asan olsun.

- Azər Məmmədovla danışıb, halallıq almışdınız?

- Mütləq. Azər müəllimlə bu gün danışırıq, bu gün də görüşürük. Onun bu komandanın formalaşmasında əziyyəti var. Onunla görüşüb, danışmışıq. Davamlı olaraq da, əlaqədəyik.

Digər Xəbərlər
Xəbər Lenti
29 Fevral 18:10 Çək və bizə göndər!
29 Fevral 11:00 Yaxşı, siz deyən olsun!
29 Fevral 07:30 Cəlal kubokla vidalaşdı
29 Fevral 02:40 Halal komanda!