Dünya Karate Federasiyası (WKF) son 10 ilin dünya çempionatlarından yaddaqalan anları yenidən yayımlayacaq.
Sportinfo.az WKF-in rəsmi saytına istinadən xəbər verir ki, qurum "YouTube" kanalı vasitəsilə ən yaxşı kumite qarşılaşmalarını göstərəcək.
Onlar arasında 5 qat dünya və 11 qat Avropa çempionu Rafael Ağayevin də görüşü var. 35 yaşlı təcrübəli idmançının 2010-cu ildə Serbiyanın paytaxtı Belqraddakı mundialda final qarşılaşması təqdim ediləcək.
Ağayev həmin dueldə italiyalı Luici Busanı məğlubiyyətə uğradıb və 4-cü dəfə dünya çempionu adını qazanıb. WKF bu qarşılaşmanı iyulun 3-də yayımlayacaq.
