Ağayev ilk dəfə çəkindiyi rəqibin adını çəkdi - FOTO

27 Aprel 00:00 Karate 379
Ağayev ilk dəfə çəkindiyi rəqibin adını çəkdi - FOTO

Karate üzrə beşqat dünya çempionumuz Rafael Ağayev ilk dəfə ən çəkindiyi rəqibin adını açıqlayıb.

Sportinfo.az xəbər verir ki, o, ukraynalı karateçi, ikiqat Avropa çempionu Anjelika Terlyuqa ilə canlı “İnstagram” bağlantısında bu sirri açıb.

Dünya çempionumuz bildirib ki, İrandan olan, milliyyətcə azərbaycanlı, dördqat dünya və dördqat Asiya çempionu Bəhmən Əsgəri Qönçə onun üçün narahat rəqibdir:

“O, çox uzundur. Boyu mənimkindən hündürdür. Ucaboy olduğu üçün qolları da uzundur. Bu üzdən çalışıram ki, onunla döyüşəndə çox yaxın olmayım, çünki əlləri ilə məndən asanlıqla xal ala bilər. Bəhmən mənim üçün uğursuz rəqibdir”.

Rafael Ağayev digər maraqlı məsələlərə də toxunub: “Facebook”a çox girmirəm. Heç öz şifrəmi bilmirəm. Amma daha çox vaxtımı “İnstagram”da keçirirəm. İngiliscə bilmirəm. Mənə yazılanları dostuma tərcümə etdirirəm.

Amma bəzən ərəbcə yazırlar, başa düşmürəm. Mənə Braziliya, Meksika kimi ölkələrdən yazıb fanatım olduqlarını deyirlər. Cazz və repə qulaq asmıram. Çünki bu janrı başa düşmürəm. Amma rus, türk, ərəb pop musiqilərinə qulaq asıram”.

Xəbər Lenti
26 May 22:40 Qurbanov lazım deyil?