Millimiz Almaniyada karate1 premyer liqasında uğurlu çıxış edib.
Sportinfo.az xəbər verir ki, 72 ölkədən 763 idmançı iştirak etdiyi yarışda Rafael Ağayev (75 kq) və İrina Zaretska (68 kq) 2-ci yeri, Firdovsi Fərzəliyev (60 kq) 3-cü olublar. Şahin Atamov (+84 kq) bürünc medal uğrunda həlledici görüşdə hakim haqsızlığı üzündən mükafatsız qalıb.
Mövsümün son liqası 12-14 oktyabrdaTokioda keçiriləcək. Milli komanda Vətənə qayıtdıqdan sonra Yaponiyadakı yarışa hazırlıq məşqlərinə başlayacaq.
