Ümumdünya Karate Federasiyasının (WKF) prezidenti Antonio Espinos Olimpiya mükafatçısı Rafael Ağayevə məktub göndərib.
Sportinfo.az xəbər verir ki, ispaniyalı qurum rəhbəri Rafaeli Olimpiya medalçısı olması münasibəti ilə təbrik edib.
O həmçinin bildirib ki, Tokio Olimpiadasında karate tarix yazıb və Rafael də mükafatçı kimi bu tarixin bir hissəsi olub.
Antonio Espinosun sözlərinə görə, o, karatenin Olimpiya Oyunlarının proqramında daimi idman növü kimi qalması üçün əlindən gələni edəcək.
Beşqat dünya çempionumuz Rafael Ağayev Tokio Yay Olimpiya Oyunlarında gümüş medal qazanıb (oxu.az).