Koronavirus pandemiyası üzündən Karate1 Premyer Liqasının təqvimində dəyişikliklər baş verib.
Bakıda təşkili planlaşdırılan, amma məlum səbəbdən baş tutmayacaq 1-ci mərhələyə İstanbul evsahibliyi edəcək.
Mövsümün ilk yarışı martın 12-14-də reallaşacaq. Ölkəmizdə keçirilməsi nəzərdə tutulan hakimlərin beynəlxalq seminarı da yarışla paralel olaraq İstanbulda baş tutacaq.
Aprelin 30-dan mayın 2-dək keçirilməli olan Lissabon mərhələsiə, ümumiyyətlə, ləğv edilib. Karateçilərin növbəti sınağı aprelin 9-11-də Mərakeşin paytaxtı Rabatda olacaq.
Daşkənd sentyabrın 3-5-də, Moskva isə oktyabrın 1-3-də analoji yarışa evsahibliyi edəcək.
Karate Tokio Olimpiadasında debüt edəcək.
