"Yuventus"un futbolçusu Kriştiano Ronaldo İtaliya A seriyasının 26-cı turunda "Latsio" ilə oyunu buraxa bilər.
Sportinfo.az xəbər verir ki, bu barədə "Football İtalia" məlumat yayıb.
Bildirilib ki, portuqaliyalı hücumçunun sağlamlığında kiçik problemlər var.
"Sky Sport"un jurnalisti Canluka Di Marzio isə 36 yaşlı oyunçunun matça ehtiyat oyunçular skamyasında başlaya biləcəyini yazıb.
Eyni zamanda, "Yuventus"un Çempionlar Liqasının 1/8 finalında "Portu" ilə (1:2) cavab görüşü öncəsi komandanın bombardirinin vəziyyətinin daha da pisləşməsinin qarşısını almaq üçün onu bu gün oynatmağı düşünmədiyi vurğulanıb.
Ronaldo bu mövsüm A Seriyasında 21 oyun keçirib və 20 qol vurub.
Əlavə edək ki, "Yuventus" - "Latsio" görüşü Bakı vaxtı ilə 23:45-də başlayacaq.
