“Zirə”nin müdafiəçisi Ange Mutsinzi və “Səbail”in hücumçusu İnnosent Nşutinin də formasını geyindikləri Ruanda millisi Dünya çempionatı 2026-nın seçmə mərhələsində növbəti oyununa çıxıb.
Sportinfo.az xəbər verir ki, komanda evdə Nigeriya ilə qarşılaşıb. Oyun qonaqların 2:0 hesablı qələbəsi ilə başa çatıb.
Nigeriya millisinin heyətində hər iki qolu “Qalatasaray”ın hücumçusu Viktor Osihmen vurub.
Həm Mutsinzi, həm də Nşuti meydana start heyətdə çıxıb. “Zirə”nin müdafiəçisi görüşü əvəzolunmadan keçirib. “Səbail”in forvardı isə 82-ci dəqiqədə Habimana Yveslə əvəzlənib.
5 oyundan sonra 7 xal toplayan Ruanda millisi qrupda 3-cü, 6 xala sahib Nigeriya isə 4-cü pillədə qərarlaşıb.
