Azərbaycan millisinin və "Kayzerslautern"in (Almaniya) futbolçusu Mahir Emreli ilə maraqlanan daha bir klub müəyyənləşib.
Sportinfo.az xəbər verir ki, "report"un əldə etdiyi məlumata görə, 29 yaşlı hücumçunun karyerasını İsraildə davam etdirmək imkanı olub.
"Makkabi" (Hayfa) azərbaycanlı forvardı heyətə qatmaq istəyir. Lakin oyunçu hələlik yekun qərarını verməyib.
Ötən mövsüm II Bundesliqa təmsilçisində az forma şansı əldə edən M.Emreli digər təklifləri dəyərləndirir.
Daha əvvəl APOEL-dən (Kipr) imtina edən forvard iddialı və avrokuboklarda çıxış edən klubla anlaşmaq niyyətindədir.
Mahir Emrelinin "Kayzerslautern"lə müqaviləsinin müddəti 2028-ci ilin yayınadək qüvvədədir.
