Səs-küylü Avropa Super Liqası layihəsi ləğv olunub.
top-klublar arasında yeni yarışın keçirilmə ideyası baş tutmayıb.
Daha əvvəl İngiltərənin "Çelsi", "Mançester Yunayted", "Liverpul" və "Arsenal" klublarının bu turniri tərk etmək üçün sənədlər hazırladıqlarına dair xəbərlər yayılıb.
Sonradan "Atletiko" və "Barselona"nın da Superliqa iştirakçılarından ayrıldığı bildirilib.
Avropa Super Liqasını tərk edən ilk klub "Mançester Siti" olub. Bununla bağlı klub bəyanat yayıb.
"Şəhərlilər"in açıqlamasında deyilir: "Mançester Siti" futbol klubu Avropa Super Liqasının həyata keçirilmə planlarını işləyən qrupdan çıxış proseduru yönündə işə başladığını rəsmən təsdiqləyə bilər".
Avropa Super Liqası özündə qitənin 20 ən yaxşı klubundan ibarət vahid liqanın yaradılmasını nəzərdə tutur. Superliqada iştiraklarını 12 klub təsdiqləyib.
Eyni postu İspaniya "Real Madrid"ində tutan Florentino Peres Superliqanın prezidenti seçilib.
