Azərbaycanlı MMA döyüşçüsü Tofiq Musayevin UFC-dəki növbəti döyüşünün vaxtı məlum olub.
Sportinfo.az xəbər verir ki, bu barədə insayder Leo Uolker Gimarayeş “X” sosial şəbəkəsində məlumat yayıb.
Bildirilib ki, idmançımız aprelin 4-də ABŞ-nin Las-Veqas şəhərində keçiriləcək “UFC Vegas 115” turniri çərçivəsində braziliyalı Samuel Sançeslə qarşılaşacaq.
35 yaşlı Tofiq Musayevin Bakıda keçirilən “UFC Fight Night” turnirindəki debütü uğursuz alınmışdı. Həmin döyüşdə təmsilçimiz qırğızıstanlı Mıktıbek Orolbaya birinci raundda ağrıdıcı fəndlə məğlub olmuşdu.
