Keçmiş “Formula-1” pilotu, hazırda isə ekspert Kristian Fittipaldi “McLaren” pilotu Oskar Piastrinin son yarışlardakı uğursuzluğunu şərh edib.
Sportinfo.az xəbər verir ki, Fittipaldi uğursuzluğun Azərbaycan Qran-prisindən başladığını deyib.
"O, heç nə demirdi, həmişə sakit idi və Raykkonen kimi imic yaratmışdı. Amma mən o “buz adamı” Bakı yarışından bəri görməmişəm.
Onu kənardan izləyirəm, ona görə də təzyiq altında partladığını demək ədalətsizlik olardı. Nə baş verdiyini bilmirəm.
Bəlkə də son bir neçə yarışda onun əla nəticələr əldə etməsinə mane olan bir sıra hallar var.
Amma bir şey dəqiqdir. Onun performansı Azərbaycandan bəri tamamilə fərqli olub. Bu, bir faktdır. İndi sükan arxasında fərqli bir Piastri görürük”, - Motorsport Fittipaldidən sitat gətirir.
