«Qəbələ» komandasının yüksək liqadan düşməsini heç istəmirəm.
Ümumiyyətlə, mən əyalət komandalarının tərəfdarıyam, xüsusilə də «Qəbələ»nin.
Bu şəhərdə futbol üçün Azərbaycanın özündənrazı komandalarında olmayan infrastruktur yaradılıb, akademiya yaradılıb, 4 stadion tikilib və sair və ilaxır.
Və yazmışdım, yaxşı olar ki, «Qəbələ» birinci divizyondan yüksək liqaya keçmək istəyən komandaların biri ilə pley-of oynasın. Əgər pley-ofda da bəxti gətirməsə day başqa sözüm yoxdur.
İndi mətbuatda oxuyuram ki, AFFA-nın yeni prezidenti Rövşən Nəcəf açıqlama verib ki, növbəti mövsümdə yüksək liqada klubların sayı 12-yə çatdırılacaq.
Beləliklə, «Qəbələ»nin birinci divizyona düşmə ehtimalı sıfıra yaxınlaşır.
Ya da uzaqbaşı, birinci divizyonun qaliblərinin biri ilə pley-of oynaya bilər.
Möhkəm ol, «Qəbələ»! Sən Azərbaycan futbolunda öz sözünü demiş bir klubsan və yenə də öz sözünü deyəcəksən.
Sənə uğurlar arzulayırıq!
Aqil Abbas
