Polşanın Jeşuv şəhərində start götürən Avropa çempionatında Azərbaycanın akrobatika millisi ilk medalını qazanıb.
Sportinfo.az xəbər verir ki, Ağasif Rəhimov və Nurcan Cabbarlı, həmçinin Abdulla Əl-Məşayxi və Ruhidil Qurbanlıdan ibarət qarışıq cütlük “yunior” komandalar arasında balans proqramı üzrə finala vəsiqə qazanıblar.
Həlledici mərhələdə yalnız bir cütlüyün iştirakı mümkün olduğundan, bu vəzifəni Rəhimov - Cabbarlı dueti icra edib. Onlar 27.900 xalla bürünc medala sahib olublar.
