2015-ci ildə Premyer Liqanın bombardiri olmuş Nurlan Novruzov II Liqa klubunu aldadıb.
O, bir neçə gün öncə birillik müqavilə imzaladığı “Ağstafa Gəncləri”ni tərk edib.
33 yaşlı hücumçu əyalət təmsilçisinə heç bir xəbər vermədən “aradan çıxıb“.
O, bu addımıyla Cavid İmamverdiyevi də çətin vəziyyətdə buraxıb. Çünki adıçəkilən forvard bura köhnə tanışının vasitəsilə gəlib.
İmamverdiyev Novruzovun maliyyə vəziyyətinin yaxşı olmadığını bildirərək, klub rəhbərliyindən onun heyətə qatılmasına şərait yaradılmasını xahiş eləyib. Və indi də belə…
11 il öncə 15 qolla Premyer Liqanın ən çox qol vuran siması olmuş «Bakı»nın yetirməsi səbəb gətiirmədən “Ağstafa Gəncləri”ndən qaçıb və bir daha geri qayıtmayacağına dair xəbər göndərib.
Karyerasına “Bakı”da başlayan Nurlan ölkə daxilində “Sumqayıt”, “Zirə”, “Səbail”, “Xankəndi”, “Şəki Siti” və “ ASTA Mingəçevir”də çıxış edib.
O, legioner həyatı ərzində Türkiyə, Moldova, Estoniya, Litva və Nepal çempionatlarında oynayıb.
SPORTİNFO.AZ
