“Öz adaımızdan danışım, mənə elə gəlir ki, həmin şəxslər klubu öz rayonunun, şəhərinin təmsilçisi kimi görə bilmir”.
Bu sözləri Sportinfo.az-a açıqlamasında “Şimal”ın həmtəsisçisi və prezidenti Qılman İbrahimov deyib.
Pley-off oyununda “Qaradağ Lökbatan”a 2:1 hesabıyla qalib gələrək I Liqada yerini qoruyan Xaçmaz klubunun rəhbəri bildirib ki, bölgədə “Şimal”a yaxın duran yoxdur:
“Özümə dəfələrlə sual veriblər, niyə rəqiblərinizi Xaçmazda qəbul etmirsiz? O adamlar futbolun içində olmadığı üçün reallıqdan xəbərləri yoxdur.
Başa salmaq olmur ki, stadionumuzun ölçüləri standartlara cavab vermir, ot örtüyü əlverişli deyil və sair”.
