Qadın voleybolçular arasında Azərbaycan Yüksək Liqasında pley-off mərhələsi start götürüb.
Sportinfo.az xəbər verir ki, 1/4 final mərhələsinin açılış günündə “Turan” rəqibi “Murov Az Terminal” üzərində inamlı qələbə qazanıb.
Görüş 0:3 hesabı ilə başa çatıb.
Setlərin nəticələri belə olub: 20:25, 18:25, 18:25.
“Azərreyl” də “DH Volley” ilə üz-üzə gəlib. Oyun 3:0 hesabı ilə “DH Volley”in xeyrinə bitib.
Bu raundun digər ilk oyunları martın 28-də olacaq. Cavab matçları 2-3 apreldə keçiriləcək.
