Azərbaycan pəhləvanları Tokio Olimpiadasında mübarizəyə başlayıb. Təəssüf ki, güləşçilərimizin yarışda startı uğursuz alınıb.
Yunan-roma üslubunda güləşən Rafiq Hüseynov (77 kq) ilk görüşdə isveçli Avropa üçüncüsü Aleks Kessidisə qalib gəlib. Lakin 1/4 finalda Rafiq Akjol Mahmudova (Qırğızıstan) 1:9 hesabı ilə uduzub. Qırğız pəhləvanı finala çıxarsa, o halda güləşçimiz təsəlliverici görüşlərə qatılaraq bürünc medal uğrunda mübarizə aparacaq.
Qadın güləşçilərin yarışında təmsilçimiz Elis Manolova (68 kq) elə ilk görüşdə nigeriyalı Blessinq Oborududuya 2:13 hesabı ilə məğlub olub. Oborududu finala vəsiqə qazanarsa, güləşçimiz bürünc medal uğrunda mübarizə aparacaq
SPORTİNFO.AZ