.jpg)
Gürcüstanda taekvondo üzrə "TİBLİSİ OPEN 2018" Beynəlxalq Turniri keçirilib.
Sportinfo.az xəbər verir ki, beynəlxalq turnirdə yerli idmançılarla yanaşı Azərbaycan, Ukrayna, İran və Ermənistandan olan idmançılar iştirak edib.
Ölkəmizi turnirdə təmsil edən şəmkirli taekvondoçular yüksək nəticələr əldə edib. Belə ki, Şəmkir rayon Gənclər və İdman İdarəsinin Uşaq Gənclər İdman Məktəbinin idmançıları- Nihad Vəliyev, Hüseyinli Sabirə, Həsənova Fatimə fəxri kürsünün ən yüksək pilləsinə qalxmağa nail olublar.
Qeyd edək ki, ümumilikdə idmançılarımız 3 qızıl, bir gümüş, iki bürünc medal qazanıblar. Bu nəticə ilə şəmkirli idmançılar medal sayına görə ölkələr arasında birinci yeri tutublar. Beynəlxalq turnirdə medal qazanan idmançılarımız aşağıdakılardır:
Qızıl medal qazananlar:
Nihad Vəliyev (61 kq)
Hüseynli Sabirə (68 kq)
Həsənova Fatimə (33 kq)
Gümüş medal:
İsayeva Əsli (30 kq)
Bürünc medal:
Hüseynova Pərvin (36 kq)
Bayramova Nərmin (36 kq)
Məlumat üçün bildiririk ki, ümumi medal sayına görə ölkələr arasında Azərbaycan Respublikası 1-ci yeri tutmuşdur.
