Azərbaycan millisinin və “Qəbələ” İdman Klubunun taekvondoçusu Cavad Ağayev növbəti uğuruna imza atıb.
Sportinfo.az xəbər verir ki, bu il dünya çempionu adını qazanan Cavad Argentinanın paytaxtı Buenos-Ayresdə keçirilən Yeniyetmələrin 3-cü Yay Olimpiya Oyunlarında da fərqlənib.
63 kq çəki dərəcəsində çıxış edən Cavad 1/8 finalda Cənubi Sudan təmsilçisi Stefan Atemlə qarşılaşıb. Döyüşün gedişində afrikalı taekvondoçu diskvalifikasiya olunub.
1/4 finalda isə Cavadın rəqibi İran idmançısı Həmed Əsgəri Mahiabadi olub. 9:8 hesabı ilə qalib gələn Cavad yarımfinala yüksəlib.
Cavad Ağayev finalın bir addımlığında Cənubi Koreya taekvondoçusu Ço Vun Hu ilə üz-üzə gəlib. 13:15 hesabı ilə məğlub olan Cavad, Olimpiya Oyunlarının bürünc mükafatını qazanıb.