.jpg)
Rusiyada keçirilən taekvondo üzrə "Russian Open" G1 kateqoriyalı beynəlxalq turnirə yekun vurulub.
Sportinfo.az xəbər verir ki, yarışın son günü də gənc Olimpiya komandamızın iki üzvü medala sahib olub.
Belə ki, -63 kq çəki dərəcəsində mübarizə aparan Cavab Ağayev turnirin qalibi olub. Minayə Əkbərova (-46 kq) isə yarımfinalda məğlub olaraq bürünc medalla kifayətlənib.
İlk yarış günü Hatəm Həsənli (-45 kq) də qızıl medal qazanmışdı. Beləliklə, turnirdə dörd idmançı ilə təmsil olunan Məmməd Abdullayev və Zahid Məmmədovun yetirmələri yarışı 2 qızıl və 1 bürünc medalla başa vurub.
