Taekvondo üzrə böyüklərdən ibarət yığma komanda Cənubi Koreyadakı dünya çempionatındakı uğurlu çıxışdan sonra bu gün Bakıya qayıdır. Sportinfo.az xəbər verir ki, komandanın qarşılanma mərasimi Heydər Əliyev adına Beynəlxalq Hava Limanında saat 16:00-da baş tutacaq.
Mllimiz Muju şəhərində keçirilən yarışda iki medal qazanıb. Azərbaycan milli komandasının üzvləri, "Qəbələ" İdman Klubunun təmsilçiləri Milad Beiqi Harçeqani və Məhəmməd Məmmədov yarışda fəxri kürsüyə yüksəliblər. Harçeqani qızıl, Məmmədov bürünc medalçı olub.