2021/22 mövsümü üçün transfer çalışmalarını davam etdirən "Sumqayıt" daha bir futbolçu ilə müqavilə bağlayıb.
Sportinfo.az xəbər verir ki, ötən mövsüm icarə əsasında “Gənclik şəhəri” təmsilçisində çıxış edən Eltun Turabovla 1 illik müqavilə imzalanıb.
O, ötən mövsüm 14 oyunda "Sumqayıt"ın formasını geyinib. Turabov Azərbaycanın U-21 millisinin də uğurları üçün çalışıb.
Sumqayıtlılar daha öncə Yusif Nəbiyev və Xəzər Mahmudovu heyətində qatıb, baş məşqçi Ayxan Abbasov, futbolçular Vurğun Hüseynov, Elvin Məmmədov, Murad Xaçayev, Vüqar Mustafayev, Aydın Bayramovla müqaviləni uzadıb.
