“Bakı” dağılmasaydı, öz yetirmələrinin hesabına rahatlıqla çempionluq uğrunda mübarizə aparacaqdı”.
Bu sözləri Sportinfo.az-a açıqlamasında “Bakı”nın formasını geyinmiş Ernad Skuliç deyib.
2008-2012-ci illərdə “ağ-qaralar”ın şərəfini qorumuş xorvatiyalı yarımmüdafiəçi ötən günləri yada salıb.
Səkkiz il öncə karyerasını başa vurmuş legioner “ən çox kimə, yaxud nəyə ürəyiniz ağrayır - Hafiz Məmmədova, yerlə bir edilən akademiyaya, yoxsa arzuları ürəyində qalan uşaq futbolçulara” sualına cavabında bunları söyləyib:
“Hamısına, hamısına... Həmin vaxt əsas və uşaq komandalarında kifayət qədər bacarıqlı uşaqlar var idi.
Aqil Məmmədov, Rəhman Hacıyev, Nurlan Novruzov, Namiq Ələsgərov, Şəhriyar Əliyev və unutduğum digərləri. “Bakı”nın dağıldığını eşidəndə çox məyus olmuşdum. İnana bilmirdim”.
