“Nərimanla ayrılıqda danışmadım.
Soyunma otağına gələndə görmədim, yəqin gizlənirdi”.
Sportinfo.az xəbər verir ki, bu sözləri “Qarabağ”ın baş məşqçisi Qurban Qurbanov Avropa Liqasının pley-off mərhələsində “Braqa”ya 4:2 hesabı ilə qalib gəldikləri oyundan sonra keçirilən mətbuat konfransında deyib.
Baş məşqçi Nəriman Axundzadənin oyuna əlavə edilən vaxtda əlverişli epizodda qol vura bilməməsindən danışıb:
“Nəriman oyundan sonra göz yaşını saxlaya bilmədi, sanki fikri o epizodda qalmışdı. Amma normal baxıram.
Bu cür yanaşırsa, demək ki, məsuliyyəti dərk edir. Bəlkə o qolu vursaydı, daha gec böyüyəcəkdi. Vurmadığına görə tez böyüyəcək”.
