“Qarabağ”ı keçmək üçün son dəqiqəyə qədər mübarizə aparacağıq".
Sportinfo.az xəbər verir ki, bunu “Braqa”nın baş məşqçisi Artur Jorje Avropa Liqasının pley-off mərhələsində “Qarabağ”la keçiriləcək cavab oyunu barədə danışarkən deyib.
52 yaşlı mütəxəssis ilk görüşdə qydə alınan 2:4 hesablı məğlubiyyətə baxmayaraq, Bakıda bunun əvəzini çıxacaqlarına inanır:
“Çempionatda “Farense” üzərində qələbə inam və motivasiyanı artırmaq üçün vacib idi.
Artıq diqqətimizi “Qarabağ”la qarşılaşmaya yönəltmişik. Məqsədimiz mərhələ adlamaq olacaq”.
“Qarabağ”la “Braqa” arasında cavab görüşü fevralın 22-də Tofiq Bəhramov adına Respublika stadionunda keçiriləcək.
