"Bu qələbəyə görə çox sevinirik. Xoşbəxtlikdən mən də qol vurmağı bacardım".
Sportinfo.az xəbər verir ki, bu sözləri "Qarabağ"ın yeni transferi Kamilo Duran Çempionlar Liqasının Liqa mərhələsinin ilk turunda səfərdə "Benfika"ya qalib gəldikləri (3:2) oyundan sonra deyib.
Oyunda ilk qolun ötürməsini verən və ikinci qolun müəllifi olan kolumbiyalı hücumçu UEFA-nın mətbuat xidmətinə açıqlamasında səfər qələbəsini belə şərh edib:
"Bilirdik ki, asan olmayacaq, amma səylə çalışdıq və üç xal qazandıq. Oyuna bir az diqqətsiz başladıq.
0:2 geridə idik, amma təslim olmadıq. Daim irəli getməyə çalışdıq və istədiyimizə qələbə ilə nail olduq".
"Qarabağ" Kamilo Duranı bu yay Portuqaliyanın 2-ci liqa təmsilçisi “Portimonense”dən transfer edib.
.jpg)
