Ramil Şeydayevin «Qarabağ»a dönməsini dünən xəbər vermişdik.
Dünən "Neftçi"nin qarşılıqlı razılıq əsasında yolları ayırdığı hücumçu 2 illik aradan sonra "köhlən atlar"a qayıdıb.
Onun köhnə-yeni klubu ilə imzaladığı müqavilənin müddəti də artıq məlumdur - «Zenit»in yetirməsi qarşıdakı iki mövsümdə Ağdam təmsilçisinin formasını geyinəcək.
29 yaşl forvard 2017-18 və 2021-23-cü illərdə "Qarabağ"ın şərəfini qoruyub.
Şeydayev peşəkar karyerası ərzində "Zenit" (Rusiya), "Trabzonspor" (Türkiyə), "Jilina" (Slovakiya), "Krılya Sovetov" (Rusiya), "Dinamo" (Moskva, Rusiya), "Buriram Yunayted"də (Tayland) də çıxış edib.
Azərbaycan çempionu bu mövsüm üçün Dani Bolt ("Torreense", Portuqaliya), Pedro Bikalyo ("Alverka", Portuqaliya), Kris Kuaku ("Mafra", Portuqaliya), Sami Mmaee ("Dinamo" Zaqreb - icarə), Joni Montiel ("Rayo Valyekano", İspaniya) və Kamilo Duran (“Portimonense”, Portuqaliya) ilə anlaşıb.
SPORTİNFO.AZ
