"Qarabağ"ın sabiq hücumçusu Juninyo bu ilin əvvəlində transfer olunduğu "Flamenqo"dan ayrılmağa yaxındır.

Bu haqda Braziliya mətbuatı yazıb.

Yerli həmkarlarımızın iddiasına görə, baş məşqçi Felipe Luisin gözləntilərini doğrultmayan 28 yaşlı forvard tezliklə Rio təmsilçisindən göndərilə bilər.

Hələlik Braziliya mətbuatında onunla Səudiyyə Ərəbistanı klublarının maraqlandığı haqda xəbərlər daha çox yayılır. Lakin onun başqa bir ölkəyə gedəcəyi də istisna deyil.

Bu ilin əvvəlində 5 milyon avroya "Qarabağ"dan transfer edilən Juninyonun icarəyə veriləcəyi iddia olunur. Juninyonun adı Braziliya çempionatında "İnternasional"la matçın iştirak ərizəsinə daxil edilməyib.

"Moonbh" məlumat yayıb ki, “Qarabağ” Juninyonu geri qaytara bilər. Qeyd olunub ki, edən forvard və klubu ilə danışıqlar başlayıb. Juninyo Ağdam klubuna qayıtmağa isti yanaşır.

Öz növbəsində Braziliya klubu da əsas heyətə düşə bilməyən 28 yaşlı futbolçudan qurtulmaq istəyir.

Lakin "qırmızı-qaralar" onu bir şərtlə buraxmağa hazırdırlar. "Qarabağ" onu tam olaraq transfer etməlidir, yəni, icarə variantı müzakirə edilmir.

Juninyonu 5 milyon avroya heyətinə qatan "Flamenqo" həmin məbləği Ağdam klubundan geri istəyir və heç bir güzəşt etmək fikrində deyil. Azərbaycan çempionu isə braziliyalı futbolçuya görə 2 dəfə az məbləğ təklif edir.

"Qarabağ"ın başqa bir variantı Olavionu 1 illik icarəyə götürməkdir. Hazırda tərəflər arasında aktiv danışıqlar davam edir. Bu məsələ yeni iş həftəsinin ilk günlərində həll oluna bilər.

Çünki təmsilçimiz Çempionlar Liqası üçün iştirak ərizəsini UEFA-ya təqdim etməlidir. Buna görə də Ağdam klubu vaxt baxımından narahatlıq yaşayır.

"Flamenqo"nun heyətində 25 matçda cəmi 3 qol vuran Juninyo ilə bağlı son xəbər realılığı əks etdirirmi?

"Qarabağ"dan aldığımız məlumata görə, "sambaçı"nın mümkün dönüşü ətrafında hələlik heç bir müzakirə getmir.

Səbəbkarla klub rəhbərliyindən əlaqə saxlayan olmayıb. Qurban Qurbanov və köməkçilərinin də cənubi amerikalı ilə təması yox səviyyəsindədir.

O. yalnız əsas komandanın tərcüməçisi Elvar Quliyevlə ara-sıra "votsap" üzərindən mesajlaşır və "Qarabağ"a qayıdışı haqda nəsə deməyib.

SPORTİNFO.AZ