İlkin Fikrətoğlu: “Qarabağ” Azərbaycanda digər klubları yedizdirir”

30 Avqust 17:00 Qarabağ 699
İlkin Fikrətoğlu: “Qarabağ” Azərbaycanda digər klubları yedizdirir”

“Təsnifat mərhələsindəki bütün iştirakçılardan ən çox - 5 qələbə qazanan, ən çox - 15 qol qol vuran komanda olaraq Çempionlar Liqasının liqa mərhələsinə yüksəlmək təkcə “Qarabağ”a deyil, bütünlükdə Azrbaycan futboluna qazandırdı”.

Bu sözlər “Sportinfo TV”nin redaktoru İlkin Fikrətoğluna məxsusdur.

Tanınmış telejurnalist “köhlən atlar”ın 8 illik aradan sonra Çempionlar Liqasının əsas mərhələsinə vəsiqə qazanmasına belə münasibət bildirib:

“Azərbaycan UEFA-nın avrokuboklardakı əmsallar cədvəlində 2 pillə irəliləyərək, Ukrayna və Sloveniyanı kecdi və 26-cı sıraya yüksəldi.

Maddi olaraq liqa mərhələsinə düşmək “Qarabağ”ın büdcəsinə 18 milyon 620 min avro, təxminən 37 miyon manata yaxın vəsait gətirdi.

Təsnifat mərhələsindəki uğurlu çıxışa görə əlavə olaraq təqribən 5 milyon avro, liqa mərhələsindəki qələbə və heç-heçələrə görə bonuslar ödəniləcək.

Və ən nəhayət, “Qarabağ”ın bu uğuruna görə digər Azərbayan klublarına - Premyer Liqamızın 11 komandasının hər birinə UEFA tərəfindən 800 min avro ödəniləcək.

“Qarabağ”ı bu uğura görə təbrik edən klublara da, etməyənlərə də, sevinənlərə də, sevinməyənlərə də. Necə deyərlər, “Qarabağ” konkret olaraq digər klubları yedizdirir”.

Digər Xəbərlər
Xəbər Lenti
30 Avqust 18:10 Çək və bizə göndər!
30 Avqust 01:00 1:1 kifayətdir? - VİDEO