Türkiyəli tanınmış futbol mütəxəssisi Nihat Kahveçi “Qarabağ”ı növbəti dəfə ölkəsinin klublarına nümunə göstərib.
Sportinfo.az xəbər verir ki, o, “Kontraspor” verilişində “Beşiktaş” komandasını tənqid edib.
Buna səbəb İstanbul təmsilçisinin Konfrans Liqasının pley-off mərhələsində İsveçrənin “Lozanna-Sport” komandasına uduzaraq avrokuboklarda mübarizəni dayandırması olub (səfərdə ilk matç 1:1, evdə 0:1).
Nihat Kahveçi deyib ki, Qazaxıstan komandası (“Kayrat”), həmçinin “Qarabağ” meydanda inkişaf edir, Çempionlar Liqasına vəsiqə qazanır, “Beşiktaş” isə “adını ilk dəfə eşitdiyimiz” komandalara məğlub olur.
Verilişin həmin hissəsini təqdim edirik.
