.jpg)
Avstriyada təlim-məşq toplanışında olan "Qarabağ" ikinci yoxlama oyununa çıxıb.
Sportinfo.az xəbər verir ki, Qurban Qurbanovun rəhbərlik etdiyi kollektiv Niderlanddan "Tvente" ilə üzə-üzə gəlib.
Qarşılaşma Azərbaycan çempionunun 3:2 hesablı qələbəsi ilə başa çatıb.
"Qarabağ"ın heyətində Abdullah Zubir 2 dəfə fərqlənib. Digər qolu isə Leandro Andrade vurub.
Bu gün "Qarabağ"la "Tvente" arasında daha bir matç keçiriləcək.
Azərbaycan çempionu Avstriyadakı ilk qarşılaşmada Ukraynanın "Metallist" (Xarkov) kollektivinə uduzub - 4:5. "Köhlən atlar" Bakıdakı yoxlama matçında isə "Zirə"ni 4 cavabsız qolla üstələyib.
"Qarabağ" Çempionlar Liqasının II təsnifat mərhələsində "Şelburn" (İrlandiya) - "Linfild" (Şimali İrlandiya) cütünün qalibi ilə qarşılaşacaq.
Bu raundun ilk görüşü iyulun 22-23-də, cavab qarşılaşması 29-30-da baş tutacaq.
