“Sent-Etyen”in hücumçusu İbrahima Vadji Azərbaycana qayıda bilər.
Sportinfo.az xəbər verir ki, bu barədə Fransa mətbuatı məlumat yayıb.
Bildirilib ki, adıçəkilən legioner Liqa 2 klubu ilə müqavilə imzalamayacaq. Çünki seneqallı forvard“Qarabağ”a qayıtmaq istəyir.
Ağdam klubu 2 il öncə 1,5 milyon avroya satdığı futbolçunu azad agent kimi heyətinə qatacaq.
İbrahima Vadji 2021-2022 mövsümündə “Qarabağ”ın heyətində 36 oyunda 20 qol vurub.
