2024/25 mövsümündə - qış fasiləsində "Qarabağ"dan ayrılan Riçard Almeyda və Olavio Juninyo da Premyer Liqanın qalibi adını layiq görülüblər.
Sportinfo.az xəbər verir ki, bu haqda qol.az-a Ağdam klubunun mətbuat xidmətinin rəhbəri Anar Hacıyev məlumat verib.
Onun sözlərinə görə, hər iki futbolçu qızıl medalla mükafatlandırılacaq.
Riçard Almeyda bu ilin fevral ayının 13-də Ağdam təmsilçisindən ayrılaraq vətəni Braziliyanın "Primavera" klubuna keçib.
Olavio Juninyo isə yanvarın 15-də "Flamenqo"ya (Braziliya) transfer olub.
A.Hacıyev bildirib ki, hər iki futbolçu "Qarabağ"dan ayrılsa da, onların da mükafatlandırılması nəzərdə tutulub: "Qızıl medallar onların özlərinə göndəriləcək".
