“Azərsun Holdinq”in Müşahidə Şurasının yeni sədri müəyyənləşib.
Sportinfo.az xəbər verir ki, bu vəzifəyə Ahmad Gozal gətirilib.
Bu ilin yanvarında dünyasını dəyişən, Abdolbari Gozalin oğlu olan Ahmad Gozal 2006-cı ildə Bilkent Universitetinin menecment ixtisası üzrə məzunu olub.
Elə həmin ildən etibarən, “Azərsun Holdinq”in idarəetməsində yaxından iştirak edib.
Şirkətlər qrupunun müxtəlif strukturlarında fəaliyyət göstərdikdən sonra 2018-ci ildən etibarən “Azərsun Holdinq”in Müşahidə Şurasının sədr müavini və Holdinqin təftiş komissiyasının sədri təyin edilib.
2022-ci ildən etibarən Azərbaycan Sənaye Bankı ASC-nin Müşahidə Şurasının sədri vəzifəsini icra edir.
2001-ci ildən başlayaraq “Qarabağ” Futbol Klubunun baş sponsoru, son illər isə tam sahibi “Azersun Holdinq”dir.
