.jpg)
Müstəqillik tarixində bütün milli çempionatların iştirakçısı olmuş “Qarabağ” daha bir rekordunu yeniləməyə yaxındır.
Söhbət “köhlən atlar”ın Premyer Liqada bir mövsümdə rəqib qapılarından keçirdiyi top sayından gedir.
1992-ci ildən elitada mübarizə aparan Ağdam təmsilçisinin yüksək dəstədə indiyə qədər ən məhsuldar mövsümü 2022-23 “futbol ili”nə təsadüf edib.
Qurban Qurbanovun rəhbərlik etdiyi kollektiv 36 matçda rəqib qapılarından 91 top keçirməyə nail olub.
İndi vəziyyət necədir?
Mövsümün başa çatmasına 7 oyun qalmış “Qarabağ” 81 dəfə fərqlənib. Bu, o deməkdir ki, qarşıdakı 7 turda 11 qol vurulacağı təqdirdə “köhlən atlar” məhsuldarlıq rekordunu təzələyəcək.
Etiraf edək ki, bu, kifayət qədər inandırıcı görünür.
HƏBİB / SPORTİNFO.AZ
