“Biz oyunun içində oluruq deyə, tribunalarda nələrin yaşandığını tam görə bilmirik”.
Bu sözləri Sportinfo.az-a açıqlamasında “Qarabağ”ın müdafiəçisi Toral Bayramov deyib.
“Xəzər Lənkəran”ın yetirməsi Avropa Liqasının pley-off mərhələsinin “Braqa” ilə səfər oyunundan (4:2) danışıb.
O, “yerli azarkeşlərin “Braqa”dan narazı qaldığını görürdük, nə edirdilər, etirazlarını hansı formada çatdırırdılar” sualına belə cavab verib:
“Məncə, belə halları siz bizdən daha yaxşı görürsüz. Sözsüz, heç bir azarkeş öz komandasının məğlubiyyətinə sakit yanaşa bilməz”.
