“Braqa” son illərdə xeyli inkişaf edib”.
Sportinfo.az xəbər verir ki, bu sözləri “Qarabağ”ın baş məşqçisi Qurban Qurbanov Portuqaliyanın “ojogo.pt” saytına açıqlamasında deyib.
52 yaşlı mütəxəssis Avropa Liqasının pley-off mərhələsində “Braqa” kimi güclü komanda ilə üz-üzə gəldikləri üçün xoşbəxt olduğunu bildirib:
“Rəqib sürətli, parlaq və cəlbedici futbol nümayiş etdirir. Texniki cəhətdən çox yaxşıdırlar. Azarkeşlər üçün möhtəşəm oyun alınacaq”.
Avropa Liqasının pley-off mərhələsində ilk dəfə çıxış etdiklərini xatırladan 52 yaşlı mütəxəssis bunun komandaya yeni təcrübə qazandıracağını vurğulayıb:
“Oyuna böyük məsuliyyətlə yanaşırıq. Rəqibin heyətində matçın taleyini dəyişə biləcək futbolçular var.
Azərbaycan futbolunun nüfuzunu artırmaq istəyirik. Bu, idmandır, hər şey ola bilər. Komandama güvənirəm”.
“Munisipal” stadionunda keçirilən “Braqa” - “Qarabağ” oyun təmsilçimizin 4:2 hesablı qələbəsiylə bitib. Cavab görüşü fevralın 22-də Bakıda baş tutacaq.
