"Qarabağ"ın legioneri Patrik Andrade komandanın düşərgəsinə qoşulub.
Sportinfo.az xəbər verir ki, bu barədə Ağdam təmsilçisinin baş meneceri Asif Əsgərov instaqram hesabında paylaşım edib.
Andradenin formasını geyndiyi Kabo-Verde milli komandası Afrika Millətlər Kubokunun 1/4 final mərhələsində mübarizəni dayandırıb. Buna görə də 30 yaşlı futbolçu artıq "Qarabağ"a qoşulub.
Patrik Andrade bu mövsüm "Qarabağ"ın heyətində meydana çıxdığı 24 rəsmi matçda 1 qol ötürməsi ilə yadda qalıb.
