“Qarabağ”ın məşqçisi Yanuş Vasilyev baş məşqçi Qurban Qurbanovun təlimatı ilə Braqa şəhərinə gedib.
Sportinfo.az xəbər verir ki, video-analitik məşqçi olan Vasilyev bu gün Portuqaliya Premyer Liqasının 20-ci turunun “Braqa” - “Moreirense” matçını stadiondan canlı izləyəcək.
Oyun Bakı vaxtı ilə gecə saat 00:30-da başlanacaq.
“Braqa” hazırda yerli liqada 4-cü yeri tutur. Onlar Avropa Liqasının pley-off mərhələsində “Qarabağ”ın rəqibidirlər.
Bu komandalar arasında ilk matç fevralın 15-i Braqada, cavab görüşü həmin ayın 22-si Bakıda keçiriləcək.
