II Liqada çıxış edən «Şəmkir»də ayrılıq yaşanıb.
Baş məşqçi Vüqar Nadirov köməkçisi Fərid Əliyevi komandadan uzaqlaşdırıb. Hadisə hazırlıq prosesinin gedişində qeydə alınıb.
Ötən ilin noyabrında qərb təmsilçisinin sükanı arxasına keçmiş mütəxəssis yardımçısının verdiyi tapşırıqları könülsüz şəkildə icra etməsindən əsəbiləşərək, onu buradan kənarlaşdırıb.
Nadirov futbolçularla söhbətində adıçəkilən şəxsin bir daha onlarla işləməyəcəyini bildirib.
«Şəmkir» II Liqanın arxada qalan 20 turunda 35 xal toplayıb.
Çempionlar Liqasında mərhələ adlamış ilk Azərbaycan klubu kimi tarixə düşmüş «ağ-qırmızılar» hazırda turnir cədvəlinin 5-ci pilləsində qərarlaşıb.
SPORTİNFO.AZ
