PSJ-nin sabiq futbolçusu Jerom Roten Mauro İkardinin üzləşdiyi situasiya haqda danışıb.
Sportinfo.az xəbər verir ki, Roten İkardinin futbolu arxa plana atdığını bildirib.
O, argentinalının PSJ-ni tərk etməli olduğunu da vurğulayıb:
“İkardi yalnız öz şəxsi həyatı haqda düşünür. Həyat yoldaşı ilə yaşananlar əsl qalmaqal idi.
Mauro daha futbolçu deyil, o, meydanda yoxdur. Ayda 1 milyon avro məvacib alır,amma klubun imicinə vurulan zərbə haqda qətiyyən düşünmür.
İkardi indi Parisdə xoşbəxt deyil. Hesab edirəm ki, PSJ-dən ayrılmalıdır. Özü də bu ayrılıq nə qədər tez olsa, bir o qədər yaxşıdır”.
