"Yuventus"un futbolçusu Artur Melo avtomobil qəzasına düşüb.
Sportinfo.az xəbər verir ki, hadisə Turin şəhərində baş verib.
Qəzada ciddi xəsarət alan olmayıb. Braziliyalı oyunçunun qəzanın səbəbkarı olduğu bildirilib.
Melonun idarə etdiyi "Ferrari" markalı avtomobilə ziyan dəyib. Futbolçu tibbi müayinə üçün xəstəxanaya yollanıb.
Artur Melo "Yuventus"a 2020-ci ilin yayında İspaniya "Barselona"sından keçib.