Azərbaycanın sərbəst güləşçisi Maqomedxan Maqomedov (97 kq) Paris-2024-də mübarizəyə başlayıb.
Sportinfo.az xəbər verir ki, o, 1/8 finalda Dominikan Respublikasından olan Luis Migel Pereslə üz-üzə gəlib.
Görüşdə Maqomedxan 9:0 hesablı qələbə qazanıb. Bununla da o, 1/4 finala yüksəlib.
Maqomedxan Maqomedov Avropa çempionu, dünya çempionatının gümüş və bürünc mükafatçısıdır, həmçinin qitə çempionatında 2 gümüş medal qazanıb.
Luis Migel Peres Pan Amerika Oyunlarının bürünc, Pan Amerika çempionatının isə üçqat gümüş, üçqat bürünc mükafatçısıdır. O, Cənubi Amerika çempionatında 2 gümüş medal qazanıb.
M.Maqomedov 1/4 finalda polşalı Mateuş Baranovski ilə qarşılaşıb.
Mateuş dünya çempionatının gümüş, Avropa çempionatının isə gümüş və bürünc mükafatçısıdır. Bu görüşdə Moqamedxan 7:2 hesablı qələbə qazanaraq yarımfinala yüksəlib.
M.Maqomedov yarımfinalda Gürcüstan təmsilçisi Givi Matçaraşvili ilə görüşəcək. Givi Matçaraşvili ikiqat Avropa çempionu, dünya çempionatının ikiqat gümüş mükafatçısıdır.
.jpg)
