!["Neftçi"də bunu bacaran 5 futbolçudan biri oldu - Emin Mahmudov](https://www.sportinfo.az/media/2024/04/09/434854157_959294809530333_8466874189245302186_n_11712564365.jpg)
Emin Mahmudov Azərbaycan çempionatlarında 40-cı qolunu vurub.
Sportinfo.az xəbər verir ki, “Neftçi”nin kapitanı Premyer Liqanın XXIX turunun “Sumqayıt”la ev matçında (1:1) fərqlənib.
Ölkə çempionatında yalnız “ağ-qaralar”ın heyətində çıxış edən 32 yaşlı yarımmüdafiəçi bütün qollarını Bakı klubunda vurub. O, 2017/18 mövsümündən “Neftçi”nin formasını geyinir.
Mahmudov klubun tarixində Azərbaycan çempionatlarında ən azı 40 qol vuran 5-ci futbolçudur.