"Spartak" "Neftçi" ilə daha bir yoldaşlıq görüşü keçiriəcək.
Sportinfo.az xəbər verir ki, bu barədə Rusiya mətbuatı məlumat yayıb.
"Spartak"ın baş direktoru Oleq Malışev klubun "Neftçi" yoldaşlıq oyunu keçirmək niyyətində olduğunu deyib:
"Çalışacağıq ki, gələcəkdə "Neftçi" ilə yoldaşlıq oyunu təşkil edək. Nə vaxt olacağı bəlli deyil, amma əlaqədəyik".
"Spartak" və "Neftçi" 2023-cü il iyulun 18-də Moskvada yoldaşlıq oyunu keçirib. Matç Moskva klubunun 2:0 hesablı qələbəsi ilə başa çatıb.
Komandalar arasında martın 23-də baş tutmalı olan oyun 1 gün əvvəl Moskva vilayətində baş vermiş terror aktı səbəbindən ləğv edilmişdi.
