Bilindiyi kimi, «Neftçi»nin Müşahidə Şurasının sədri Rövşən Nəcəf bundan sonra fəaliyyətini AFFA-da davam etdirəcək.
O, aprelin 2-də federasiyada keçiriləcək prezident seçkilərinə qatılan yeganə namizəddir.
İki ildən artıqdır SOCAR-da da eyni vəzifəni tutan R.Nəcəfin AFFA-ya gedişi ilə paytaxt klubuna nəzarət kimə keçəcək?
Saytımıza bununla bağlı maraqlı məlumat əldə edib.
Redaksiyamıza verilən informasiyaya görə, «ağ-qaralar» SOCAR-ın nəzdindəki Bakı Neft Emalı Zavodunun himayəsi altında olacaq. «Neftçi»nin büdcəsi əsasən zavoddan ayrılan vəsaitlə formalaşdırılacaq.
Bakı Neft Emalı Zavodu «Neftçi»yə yaxşı tanışdır. Sözügedən müəssisə 2002-2008-ci illər aralağında da bu kluba sponsorluq edib.
SPORTİNFO.AZ