Bu gün keçirilməli olan “Neftçi” – “Spartak” (Moskva) yoldaşlıq oyunu Rusiya klubunun xahişi ilə ləğv olunub.
Sportinfo.az xəbər verir ki, buna səbəb Moskvada dünən baş vermiş terror aktı və akt nəticəsində çox sayda insanın həlak olmasıdır.
Bu barədə "Neftçi"nin mətbuat xidməti məlumat yayıb.
Oyun üçün alınmış biletlər qaytarılacaq.
“Neftçi” PFK baş vermiş hadisəyə görə kədərləndiyini bildirib, başsağlığı verib.
"Neftçi" - "Spartak" matçı bu gün, saat 18:00-da "Neftçi Arena"da keçirilməliydi.