“Neftçi”yla “Spartak Moskva” komandaları arasındakı yoldaşlıq görüşündə iş başında olacaq hakimlərin adlarına aydınlıq gəlib.
Oyuna Azərbaycanı təmsil edən ədalət təmsilçiləri təyinat alıb.
Meydanda əsas söz sahibi təcrübəli Rauf Cabbarov olacaq. Yan xətlərdə ona Namiq Hüseynovla Kamran Bayramov kömək edəcəklər. Dördüncü hakim funksiyasını Kamranbəy Rəhimov yerinə yetirəcək.
VAR-da Cavid Cəlilov, AVAR-da Müslüm Əliyev yerlərini tutacaqlar.
Bu axşam “Neftçi Arena”da keçiriləcək “Neftçi” – “Spartak” qarşılaşması saat 18:00-da başlayacaq.
HƏBİB / SPORTİNFO.AZ